CAÑAR ISHKAY SHIMI KAWSAYPURA YACHAY KAMAYKA SINCHI LLAMKAYKUNAWANMI
Cañar, octubre 22 2207, DIPEIB-CA.- Yallik chunka kanchis puncha wayru killapimi, sukta chunka kanchis yachawasita pushak yachachikkuna, yachakuyta yanapakkunapishmi (Asesores pedagógicos) "Turismo Sustentable para educadores" yachakuyta chaskirkakuna. Kay yachakuytaka Ministerio de Turismo Austro, shinallatak DIPEIB-Cañarwanmi wankurishpa rurarkakuna. Kayantin punchaka Cuenca kitipi, kushiwayra shuti wiñay munaytami (proyecto sustentable Kushiwayra) rikunkapak rirkakuna. Kay yachakuywanka yachachikkunawan, yachakukkunawan, tayta-mamakunawan, tantanakuyta pushak mashikunawanpishmi ñukanchik pachamamata, ñukanchik Cañari kawsayta, ishkay shimi yachakuyta, shukta ima allikunatapish ñawpaman apananata munankuna.
YACHANA KLAMUKUNATA RAKIKUNCHIKMI
Kay punchakunakami Lourdes Tacuri, Cañar marka wawakunapa mikuymanta pushak ukupi llamkak, chiri llakta yachana wasikunaman kukayu pedagógico Senderitos, Chaski kamukunata rakishpa purikun. Wawakunaka kay kamukunataka kushillami chashkinkuna.
Shinallatak, ishkantin shimi yachakuyta chikan ayllullaktakunapi sinchiyachinkapakka, kay watapika 39 yachanawasimi rurarikrin, shinallatak wawakunamanmi antanikikunata, tiyarina, killkana patakunatapish karakunkakuna. Yachachikkunaka chikan chikan yachaykunatami chaskinkakuna. Kay llamkaytaka Proyecto Canje Deuda Europa llaktamanta yanapaywanmi kallarikunchik.
ISHKAY SHIMI KAWSAYPURA YACHAY 19 WATAMAN YALLIMUNMI
Shamuk atipak ishkay chunka sukta punchapimi, yachanasikunata pushak yachakikkunawan shuk hatun tantanakuyta rurankakuna, maypimi ishkay shimi yachakuy chunka ishkun watata paktashkamanta ima llamkaykunata, raymikunata, yachaykunata ruranamanta yuyarikunkakuna.
Kutin chay punchallatakmi shuklla yachachik tuyak yachana wasikunamanka (Unidocentes) wawakunapak yachakuypi yanapak sumak hillaykunata rakakushun. Kay karaykunata UNICEF, Deiners Club wasikunami yanapakun.
Lic. Magdalena Guamán
COORD. AREA TECNICA DIPEIB-CA CAÑAR
guaman_2@hotmail.com
